"Tuloy ka, iiwan kong bukas ang pinto"

•

Nag-aantay,
Nag-aabang,
nag-babakasakali.

Tawagin ko man sa iba’t ibang pangalan
Isa lang naman ang nais— ito ay ang intindihin mo.
Hindi lumipas ang araw na hindi ako nag antay sa pagbabalik mo.

Walang tarangkahan ang puso,
Hindi nito kilala ang mga kandado,
Wala sa memorya nito ang salitang sarado.

Kaya kung nanaisin mong bumalik,
Isa lang ang isasagot ko.

“Tuloy ka, iiwan kong bukas ang pinto.”